Sot është dita e pestë rresht që do të bllokohen rrugët në Shqipëri, për shkak të zhvillimit të turit të 82-të çiklistik të Shqipërisë.
Etapa e pestë, dhe e fundit për këtë tur, e cila do të mbahet sot (e premte, 30 Maj), do të nisë që nga qyteti i Vlorës dhe do të përfundojë në qytetin e Fierit.
Policia e Shtetit ka publikuar dhe akset që do të bllokohen ditën e sotme dhe oraret përkatëse, më konkretisht:
- Bulevardi kryesor – pusi i Mezinit, nga ora 09:30 deri në orën 10:20
- Autostrada Vlorë – Fier- unaza e Fierit, nga ora 10:00 deri në orën 11:15
- Rruga Fier – Saver, nga ora 10:5 deri në orën 12:00
- Saver – dalja në Levan, nga ora 11:45 deri në orën 13:00
- Rruga Levan – qendër Fier, nga ora 12:40 deri në orën 13:15.
Rrethi Çiklistik i Shqipërisë përbëhet nga 15 skuadra dhe 96 sportistë.
