Kryedemokrati Sali Berisha nuk ka zbuluar një datë se kur do të vijë në Shqipëri Chris LaCivita, drejtuesi i fushatës elektorale të PD për zgjedhjet e 11 majit.
Nga konferenca për gazetarët, Berisha tha se data do të jetë surprizë. Ai theksoi se komunikon çdo ditë online me LaCivita-n, duke marrë këshilla.
“Datën e ardhjes, unë u garantoj që do të vijë, por po e lë si surprizë për Edi Ramën që t’i bjerë kokës në tavolinë kur të vijë.
Nuk po ua them se duhet ta ketë surprizë ai. Do vijë. Sherifi do vijë. Chris do vijë. Çdo gjë, ju siguroj se çdo shpenzim i kësaj partie, do të jetë transparent dhe në përputhje me ligjet e Shqipërisë dhe ligjet e vendit tjetër.
Prandaj këtu nuk mund të ketë asnjë lloj aludimi tjetër. Do jetë edhe në zyrë, edhe online. Tani online e kemi çdo ditë sa për dijeni.
Çdo ditë punojmë me të, funksionon me këshilla, me probleme. Do ketë një njeri të kompanisë së tyre të instaluar përfundimisht. Ai do shkojë, do vijë. Kjo është praktika e punës me këto kompani konsultative elektorale”, deklaroi Berisha.
