Një 7-vjeçar, i cili kishte dalë nga shkolla “Naim Frashëri” në Elbasan, është gjetur pas disa orësh që nuk ishte kthyer në shtëpi. Familjarët e tij ngritën alarmin pas humbjes së kontaktit me të miturin, të cilit i humbi gjurmët menjëherë pas orarit të shkollës.
Fatmirësisht, djali është gjetur dhe ndodhet në gjendje të mirë shëndetësore. Ende nuk janë zbuluar detaje mbi vendndodhjen e tij dhe rrethanat e zhdukjes, ndërkohë që autoritetet po vazhdojnë hetimet për të sqaruar ngjarjen.
Familjarët dhe qytetarët shprehin falënderime për përfundimin e këtij episodi me fat.
