Është çarë diga e hidrocentralit në Bunec të Lukovës.
Policia njofton se çarja e digës ka krijuar rrezik për përmbytje. Deri tani, ka pasur vetëm dëme materiale, ndërkohë që po monitorohet nga afër për pasoja të tjera.
“Sot, rreth orës 12:38, në Bunec, Lukovë, dyshohet se është çarë diga e hidrocentralit, duke krijuar rrezik për përmbytje.
Në vendngjarje ndodhen shërbimet e Policisë dhe emergjencave civile, të cilat po punojnë për të siguruar evakuimin e çdo personi që mund të jetë në rrezik.
Deri tani janë shkaktuar vetëm dëme materiale, ndërsa situata po monitorohet nga afër për të shmangur pasoja të tjera.
Policia fton qytetarët që të shmangin lëvizjet në zonën e rrezikuar dhe të raportojnë menjëherë për çdo rast emergjence”, njofton policia.
