Kryebashkiaku Erion Veliaj kërcënoi 3 ditë më parë kryeministrin Edi Rama pas arrestimeve të drejtorëve të tij dhe fletëthirrjes për të nga SPAK-u.
Por mbrëmjen e sotme Veliaj ka ndërruar retorikë. Ai iu lëpi Ramës në “Top Channel”.
Veliaj deklaroi se i qëndron me pikë dhe presje fjalës së kreut të qeverisë, ndërsa theksoi se ka vënë një standard të mirë barazie.
“Unë i qëndroj fjalës së kryeministrit pikë – presje, në këtë histori jemi të gjithë të barabartë. Opozita do t’i bëjë gjunjët kallo duke u lutur që unë të zihem me Ramën.
Rama vendosi standard absolut kur artikuloi që edhe njeriu më i afërt nëse ka probleme duhet të shkojë t’i zgjidhë me drejtësinë dhe ne nuk kemi avokati. Dhe besoj se ajo stekë që Rama ngriti më rezulton se ishte një stekë e lartë dhe më rezulton se i ka dhënë liri politike, liri financiare dhe stafet e nevojshme kësaj drejtësie”, theksoi Veliaj.
Megjithatë, ai nënvizoi se “nuk nxiret një person nga fotografia se ka bërë një gabim”.
