Aktori i talentuar nga Kosova, Dukagjin Podrimaj, ka arritur të bëhet pjesë e një prodhimi të madh hollivudian, duke u bashkuar me ekipin e filmit të ardhshëm “The Crow”.
Podrimaj pritet të jetë një nga rolet dytësore në filmin e ri, duke siguruar një protagonizëm të qartë në këtë film të përmasave botëror
Lajmi për pjesëmarrjen e tij në film u bë publik pasi ai e ndau trailer-in e filmit në llogarinë e tij zyrtare në Facebook, ku shkroi: “Ky është traileri i filmit ‘The Crow’ pjesë e të cilit jam dhe unë. Të shohim çka po ju kallxojmë verës”.
“The Crow”, i cili pritet të publikohet më 7 qershor 2024, është një film amerikan me tema të natyrës supernaturale dhe superheroike, me regji të Rupert Sanders dhe bazuar në serinë komike nga James O’Barr të vitit 1989. Bill Skarsgård dhe FKA Twigs janë protagonistët e filmit, ku Skarsgård luan rolin e Eric Draven / The Crow, një muzikant i vrarë që ringjallet për t’u hakmarrë për vdekjet e tij dhe të fejuarës së tij.
Filmi ka përjetuar një rrugëtim të gjatë dhe të ndërlikuar deri në realizimin e tij, duke përfshirë ndryshime të shumta në ekipin e regjisorëve dhe aktorëve gjatë fazës së zhvillimit që ka zgjatur disa vjet.
Punimet kryesore filluan në korrik të vitit 2022 në Pragë dhe Penzing pranë Mynihut. Filmi përfundimisht përmbylli xhirimet në shtator të vitit 2022. Puna e post-produksionit përfshin prodhimin virtual në studiot ‘Penzing’, ndërsa krijimi i aseteve dixhitale dhe puna e efekteve vizuale ndodhën në Bavarinë e Gjermanisë.
“The Crow” do të lansohet në kinematë e Shteteve të Bashkuara nga Lionsgate Films, ndërsa të drejtat e shitjes ndërkombëtare të distribuimit janë përfaqësuar nga FilmNation Entertainment dhe janë ofruar për blerje të ndryshme në Festivalin e Filmit në Cannes në vitin 2022.
