Blerina Bala pritet që të marr drejtimin e Bashkisë Himarë ditën e sotme në orën 16:00. Bala është e zgjedhura e Blendi Klosit dhe do të prezantohet zyrtarisht pasdite nga vet drejtuesi politik i qarkut Vlorë.
Bala aktualisht mban postin e nënkryetares së bashkisë Himarë.
Portali Timoni.al një foto ku shihet kryetari i keshillit bashkiak Himarë Dhimitër Kapaj (personi me telefon në vesh) kurse personi në krah të tij është bashkëshorti i Blerina Balajt, Artan Bala të cilët po shkojnë në takim me Blendi Klosin në Tiranë.
Jorgo Goro u arrestua me dyshimet se ka shpërdoruar detyrën në dy raste. Në rastin e parë, sipas SPAK, Goro bashkë me Drejtorin e Mbrojtjes dhe Menaxhimit të Tokës në Bashki, Jerasimo Bashi, kanë përcjellë tek institucione të tjera dokumente të falsifikuara për një pronë mbi 5 500 metër katrorë në Dhërmi, pa kryer verifikime, duke çuar në regjistrimin e pronës shtet në favor të privatit.
Edhe në rastin e dytë, të dy ata, referuar Prokurorisë, kanë zhvendosur në terren një sipërfaqe tokë bujqësore mbi 5 mijë metër katrorë, duke ia mbivendosur atë një pasurie tjetër në pronësi të shtetit. Nën “arrest shtëpie” janë lënë ish-drejtori i ASHK Vlorë, Bilbil Aliaj dhe ish-juristi në këtë institucion, Vezir Gjikoka. Masat e sigurisë, u ekzekutuan këtë të shtunë për dy të fundit dhe Jorgo Goron, teksa ish-zyrtari i Bashkisë, Jerasimo Bashi dhe shtetasi Stavri Mëhilli u shpallën në kërkim.
