Një prej personave të aksidentuar nga një automjet në qendër të Burrelit ka ndërruar jetë pak orë pas aksidenbtit, ndërsa ishte transportuar në Spitalin e Traumës.
Sipas raportimeve, 74-vjeçari Veli Bunga nuk ka mundur t’i mbijetojë plagëve të marra nga përplasja e automjetit tip Benz që drejtohej nga 28-vjeçari Ylber Xhepavdija.
Po ashtu, në gjendje të rëndë shëndetësore janë edhe mbesa e 74 vjeçarit si dhe shoferi i mjeteve të Bashkisë Përparim Nikaj.
I plagosuri tjetër Xhelal Kola, mësohet se ndodhet në spitalin e Burrelit.
Drejtuesi i mjetit që shkaktoi aksidentin u arrestua disa orë pas ngjarjes, pasi u largua nga vendi i aksidentit. Të gjithë të aksidentuarit ishin këmbësorë.
