Ministria e Shëndetësisë sfidon SPAK për koncesionin e Check Up, edhe pse kjo kontratë 130 milionë euro është denoncuar si abuzive.
Për llogari të Vilma Nushit, mikeshës së kryeministrit Edi Rama, Ministria e Shëndetësisë ka gjobitur mjekët që nuk kanë realizuar planin e përcaktuar nga kompania koncesionare.
Për denigrimin e figurës së mjekëve, Ministria e Shëndetësisë i ka detyruar ata që të firmosin dakordësinë e gjobës dhe detyrimin që kanë për të punuar për interesa të Vilma Nushit.
Ndërsa Koncesioni i Check Up është në dyert e SPAK si një aferë korruptive në vlerën e 130 milionë eurove, Ministria e Shëndetësisë sfidon SPAK, duke avancuar me të tjera abuzime në vitin e fundit të kësaj kontrate koncesionare.
E cilësuar nga ekspertët si një koncesion i fryrë fiktivisht në më shumë, se 65 milionë, të përfituara nga Vilma Nushi, mikeshë e kryeministrit, kjo kontratë po penalizon tashmë edhe mjekët.
Këta të fundit po gjobiten masivisht pasi nuk i janë bindur koncesionarit dhe nuk kane realizuar planin që kompanita koncesionare të marrë përfitimet maksimale nga kontrata e nënshkruar në kohën e Ilir Beqajt.
Syri Tv mëson se prej disa javësh një grup pune i ngritur me urdhër të Ministrisë së Shëndetësisë, po auditon ccdo qendër shëndetësore, dhe ccdo mjek që nuk ka arritu planin e përcaktuar nga kompania e Vilma Nushit gjobitet dhe vlera e gjobës I mbahet nga paga.
Syri TV disponon raportet e auditimit dhe gjobitjen e mjekëve, ku vetëm në qendrën shëndetësore nr. 6 në Tiranë janë gjobitur 7 mjek, pasi kanë realizuar planin 95 % dhe jo 100 % sicc e kërkon kompania e mikëshës së kryeministrit. E në shenjë denigrimi, mjekët janë detyruar që të firmosin se pranojnë gjobën.
Por ky akt skandaloz është i shtrirë në të gjithë vendin, duke cenuar këshu jo vetëm integritetin e mjekëve, por edhe si një dëshmi e keqpërdorimit të tyre për interesa të koncesionit të Check Up, që vetëm me kontratë ka përfituar 130 milionë euro.
Por jo vetëm kaq, prej kohës edhe mjekë specialist, apo kushdo me një kontratë pune me Ministrinë e Shëndetësisë detyrohet që të dali në terren për të realizuar planin e kontrolleve për llogarit të kompanisë koncesionare.
Syri Tv i drejtoi disa pyetje ministrisë së Shëndetësisë në lidhje me gjobitjen e mjekëve dhe detyrimin e tyre për plotësimin e këtij plani, si dhe cilat janë kushtet e kontratës koncensionare dhe a janë konstatuar regjistrime fiktive të kryerjes së check-up, por nga Ministria ende nuk ka asnjë përgjigje./syritv/
