Pa 23 deputetë të opozitës të përjashtuar edhe seanca e sotme plenare e Kuvendit të Shqipërisë ka qenë kaos dhe rrëmujë.
Opozita bllokoi foltoren duke mos lejuar zhvillimin normal të punimeve, diskutimin dhe miratimin e rendit të ditës. Shumica socialiste tërhoqi nga rendi i ditës diskutimin dhe miratimin e projektligjit të basteve.
Deputeti Edi Paloka paralajmëroi Edi Ramën për protestën e 20 Shkurtit duke i kujtuar atë që ndodhi 30 vite më parë më pas i vendosi zjarrin rregullores së re të parlamentit. Deputeti Flamur Noka u hodhi miell gardistëve dhe sekretarit të përgjithshëm të Kuvendit, Genc Gjonçaj.
Dashnor Sula ishte veshur me simbolet e basteve duke mbuluar me “Euro” socialistët dhe qeverinë. Në krahun tjetër, Lulzim Basha dhe pjesa tjetër rrinin të qetë në karriget e tyre duke shikuar rezistencën e opozitës teksa amendamentet e tij u rrëzuan.
Palokaj tha se nuk do të ketë Parlament deri sa opozitës t’i rikthehen të drejtat kushtetute.
Gjithashtu u kthye pas në kohë ku kujtoj protestat e 91-shit, rënien e diktatorit Enver Hoxha, duke e krahasuar me protestat e paralajmëruar nga opozita më 20 shkurt, ku përmendi rënien e Edi Ramës nga pushteti.
“Së pari fjalët i kisha për atë që nuk ka ardhur sot, doja ti kujtoja diçka. Ky që mendon se është i fort se ka arrestuar Sali berishën dhe opozitën, e mban si kukulla ata si Taulant Balla, se di se kur por kur t’i vij dita, dhe ai era shurrë do të vij, njësoj si busti i diktatorit kur u rrëzua.
Po uroj që para se ti vij fundit t’ju marrë dhe ju me radhë. Ky nuk është parlamentDiktatorët një fund kanë, lejeni ta mbuloj shurra, shefin tuaj, mos i shkoni pas, nuk do ketë paralament këtu, dert sa ti vendosen të drejtat kushtetuese opozitës, hajdeni në 8 në 7 këtu parlament nuk ka”, tha deputeti Edi Paloka.
