Komisioni Qendror i Zgjedhjeve po vijon me shpërndarjen e bazës materiale që do të përdoret në zgjedhjet e 11 majit.
Edhe në këto zgjedhje identifikimi i votuesve do të bëhet elektronikisht, por jo në të gjitha qendrat e votimit.
Në 7 qendra votimit nuk do të votohet dot elektronikisht:
1 QV në Njësinë Administrative Pult, bashkia Shkodër
4 QV në bashkinë Dropull
1 QV në bashkinë Libohovë
1 QV në bashkinë Konispol, Njësia Administrative Xarrë
Nesër, shqiptarët do të votojnë për të zgjedhur 140 deputetët e rinj të Kuvendit të Shqipërisë. Këto janë zgjedhjet e njëmbëdhjeta parlamentare që nga rënia e regjimit komunist në vitin 1991.
Mbi 3.713.761 shtetas shqiptarë kanë të drejtë vote në këto zgjedhje. Për herë të parë, edhe qytetarët që jetojnë jashtë vendit kanë mundësinë të votojnë, pas regjistrimit në Platformën Elektronike për Regjistrimin e votuesve nga jashtë.
