Festuan në shtëpinë e Leo Messit, La Liga nis hetim për lojtarët e Barcelonës

Qeveria e futbollit spanjoll, La Liga ka nisur një hetim në lidhje me një darkë të organizuar nga lojtarët e Barcelonës në shtëpinë e kapitenit Lionel Messi.

Dyshimet janë se në këtë darkë është shkelur protokolli i vendosur nga autoritetet shëndetësore për mospërhapjen e Covid-19, që nuk na shqitet prej më shumë se një viti.

Pjesa më e madhe e lojtarëve të Barcelonës u mblodhën dje në shtëpinë e Leo Messit, në një kohë kur takimet me më shumë se 6 persona të huaj në shtëpi private janë të ndaluara

Sipas medieve katalanase, qëllimi i kësaj mbledhje ishte forcimi i lidhjes mes lojtarëve përpara sprintit final të La Liga dhe festimi i Kupës së Mbretit, e fituar në mes të prillit.

“Agjensia e shëndetit publik (rajonal katalanas) do të studiojë këtë rast dhe do të vendosë nëse procedurat do të shkojnë më tej”, tha sot nënkryetari i qeverisë rajonale katalanase, Pere Aragone.

Për t’u bërë pjesë e grupit të “Maska.al” dhe page ne FB mjafton të klikoni: Join Group dhe Like Page kërkesa do t’ju aprovohet menjëherë. 



Advertisement